МагъчIваялъе рес

Маккейн: Москваялде данде санкциял кьваризаризе ккола


Америкаялъул сенатор Джон Маккейн щун вуго хамиз къоялда Кишиневалде америкаялъул делегациялда цадахъ. Гьелдаса цебесеб арбагI къоялда Вильнюсалда кIалъалаго гьес ахIулел рукIана Гуржиягун Молдова НАТОялъул структурабазде гъорлъе рачиналъул процесс хехлъизабизе. Гьебги Россиялъ Приднестровьеялъе оккупация гьабизе рес букIин гIадахъги босун. Маккейница абуна Россиялъ Украиналда сверун билъанхъизабулеб бугеб политикаялъухъ магърибалъ гьелде данде гьарурал санкциязул мукъсанлъи бихьун гьезда тIад релъизе бачIунин. Гьес рикIкIунеб буго Москваялде данде санкциял кьваризаризе кколин
Приднестровьеялъ 1990 соналда жибго лъазабун букIана Молдоваялдаса батIа чIараблъун. Аслияб къагIидаялда гIурусаз гIумру гьабулеб гьеб регионалда вуго Россиялъул 1400 аскарияв. Жакъа къоялде Приднестровье лъидаго бараб гьечIолъи къабул гьабун гьечIо дунялалъул цониги улкаялъ.
XS
SM
MD
LG