МагъчIваялъе рес

Гъалмагъиразулги букIуна жидерго багьа... миллиардазде щунцин


Ахирисеб заманалда Россиялда загьирлъана чанго кIудияб гъалмагъир. Гьезул централиял фигурабилъун рахъана оппозициялъулал гурелги Россиялъул тIадегIанаб нухмалъиялъул чанго чиги, ай президент Путинил гIагарисеб сверухълъи, гьалмагълъи. Щай гьел хIужжаби загьирлъарал гьанже, щиб гьезда нахъ букIине бегьулеб ва кинаб бербалагьи бугеб гьеб киналдего Россиялъул гражданазул?

Гъалмагъиразулги букIуна жидерго багьа... миллиардазде щунцин
please wait

No media source currently available

0:00 0:16:00 0:00
Интернет-мухъ

Россиялда хIакъал, унгоги демократиял рищиял ахирисеб нусго сонида жанир рукIанин, абулев чи ватизе захIматаб масъала ккола. Цересел гIасрабазулни бициналъулни магIнаги букIинишха. Амма жакъа гьезде хIадурлъи букIуна, унгоги демократиял рищиял гьел рукIунел гIадин. Ахирисеб заманалдани ракIалде щвезарулел руго праймеризал ва рищияздацересел дебаталцин.

Рищиялин абурал хIаял гIагарлъулел рукIиналъул хIакъалъулъ гIадамазул аслияб къадаралда лъалеб батила батIи-батIиял багъа-башариял загьирлъулел мехалда – яги нухал гьаризе яги тIабанго баянлъи гьечIел политикиялги политикиял гурелги гъалмагъирал байбихьараб мехалда. Гьединал магIнаялъул пикраби гIемер ратула жакъа интернет-форумазда.

Кинал гъалмагъиразул, скандалазул бицен гьабулеб бугеб?

ПАРНАС партиялъул лидер Михаил Касьяновасда релъаравин абулев чиясул бусадул сцена бихьизабураб ва гьес жиндирго пишацоял, ай, оппозициялъулал какулеб куц бихьизабураб балъгояб камераялъ бахъараб НТВ телеканалалъул программаялъ ахIи-хIур халат бахъинчIого гIемер заманалъ.

Гьелъие гIиллалъун лъугьун батизе бегьула халкъаздагьоркьосеб даражаялъул скандалалъ. «Панамаялъул документал» цIар жиндие щвараб скандалалде хурхен батана гьединго Россиялъул тIадегIанаб нухмалъиялъулги.

Гьединаб ахирисеб кIудияб «сенсация» букIана Коррупциялде данде къеркьеялъул фондалъул лидер, оппозициялъулав Алексей Навальнысда хурхараб. МухIканлъизабуни, «Россия-1» абураб телеканалалъ бихьизабураб «Операция «Дрожь» абураб фильм.

Нижер программаялъе комментариял гьаруразул киназго рикIкIунеб буго ахирисеб заманалда загьирлъарал скандалал тIоцебего кколин унгоги рищиял гIагарлъулел рукIиналъул ишарайин. Амма гьезул щивасул батIи-батIияб бербалагьи буго гъалмагъиралъул хасияталде багьанабазде.

Гьикъа-бакъи гьабурал цояз рикIкIунеб буго, цо-цо гьединал скандалаздаса пайдаги бугин, гьез бищунго нахъегIанал ишал тIатинарулел рукIин ракIалде росаниян.

ТIубанго программаялъухъ гIенеккизе бегьула аудиофайлалда.

Гъалмагъиразулги букIуна жидерго багьа... миллиардазде щунцин
please wait

No media source currently available

0:00 0:16:00 0:00
Интернет-мухъ

XS
SM
MD
LG