МагъчIваялъе рес

Курдал хIадурлъулел руго ГIиракъалъул Мосул шагьар эркен гьабиялде


«Пешмерга» абураб курдазул яргъид гIуцIаразул къокъабаз Цолъарал Штатазул авиациялъул кумекалдалъун байбихьана Мосулалъул машрикъалъул рахъалда ругел территорияби Россиялда гьукъараб «Исламияб пачалихъ» абураб терррористияб гIуцIиялъул къуватаз ккун ругел территорияби эркен гьариялъул операция.

ГьатIан къоялда тIибитIизабураб «Курдистан» абураб гIуцIиялъул ХIинкъигьечIолъиялъул мажлисалъул лъазабиялда абулеб буго гьеб операциялда гIахьаллъулел ругин 5500 чи. Гьезул мурад кколин жигьадистаз ккурал бакIал эркен гьарийин.

Гьеб Мажлисалъул лъазабиялда рекъон, гьеб операция ккола жибго Мосул шагьар эркен гьабиялъе гьабулеб хIадурлъи.

Гьанжеялдаго лъазабулеб буго анлъго сагIтил тунка-гIусиялъул хIасилалда эркен гьабунин Муфти абураб росо.

Гьелдаго цадахъ гьатIан къоялда гIиракъалъул пачалихъиял къуватаз сверун ккун буго Фаллуджа шагьарги.

Мосулги Фаллуджаги ккола ГIиракъалъул бищунго кIудиял шагьарал. Гьел гьанжеги хутIулел руго «Исламияб пачалихъ» гIуцIиялъул контролалда гъоркь.

XS
SM
MD
LG