Завентем абураб Брюсселалъул аэропорталда талат къоялъ радал ккун буго кIиго кьвагьи.
Лъазабиязда рекъон, хун вуго бищун дагь босун 21 чи, лъебергоялдаса цIикIкIун лъукъунги вуго. Гьезда гъорлъ лъимал ругин, лъазабулеб буго RTBF абураб Бельгиялъул телеканалалъ.
Кьвагьиял ккун руго аэропланазда рекIиналда цебе пассажиразул контроль гьабулеб терминалда. Гьезда цебе рагIунеб букIун буго кьвагьдей ва гIараб мацIалда калам.
VRT абураб агентлъиялъул лъазабиялда рекъон, кьвагьиял гьарун руго хвалде унез.
Брюсселалъул аэропорт къан буго, маххул нухалъул транспорталъул хьвади чIезабун буго.
Лъугьа-бахъинал терактал рукIиналда ракI чIараб буго кьвагьиязул бицунел журналистазул.
Дагьлъ хадуб кьвагьиял ккун руго жибго Брюсселалда, Евроцолъиялъул институтал ругеб бакIалда аскIобги метроялда жаниб ккун буго кIиго кьвагьи. Цояб – «Маальбек», цогидаб – «Шуман» станциязда. Информация мухIканлъизабулеб буго..
Кьвагьиял ккун руго Брюсселада ункъго къоялъ цебе 130 чиясул гIумру бахъараб теракт ноябралда Парижалда гьабиялъул щаклъи бугев СалахI ГIабделсалам ккун хадуб.