Россиялъул президентасда цебе бугеб Инсанасул ихтиярал цIуниялъул Шураялъул хиял буго живго Владимир Путинидехун буссун, тIалаб гьабизе Чачан республикаялъул бетIер Рамзан Къадировас гьабураб каламалъе данде кколеб къимат кьей.
Къадировас абуна Россиялъул системияб гуреб оппозициялъул вакилзаби хиянатчагIи ва халкъалъул тушбаби кколин. Рехсараб шураялъул нухмалъулев хисулев Евгений Бобровас «Дождь» телеканалалъе интервью кьолаго абуна, Шураялъул цойги хиял бугин Генералияб Прокуротуроялдасаги гьадинабго тIалаб гьабизе.