Инсанасул ихтиярал цIунулеб Европаялъул диваналъул КIудияб Палатаялъ хамиз къоялъ лъазабуна Туркиялъул политик Догьу Перинчекие Швейцариялъул диваналъ гьабураб хIукмуялъ гьесул рагIуе эркенлъиялъул ихтияр хвезабулеб бугин.
2007 соналда Швейцариялъул махIкамаялъ къотIи гьабун буго Перинчекасухъа гIакIа бахъизе, 1915 соналда ГIусманияб империялда эрменал гIемераб къадаралда чIвай геноцид гьес геноцидлъун рикIкIунеб гьечIолъиялъухъ.
Туркиялъул ХIалтIул Партиялъул бетIер Догьу Перинчекица гьадин абулеб букIана цо чанго пресс-конференциялда. Гьесул пикруялда эрменазул геноцид абулеб термин - гьеб бугин лахI чIегIераб халкъаздагьоркьосеб гьереси.