Диванаханаялъ чIвазе хIукму къотIун бугев Царнаев Жогьарил адвокатаз гIарза хъван буго гьесул ишалъул хал цIидасан гьабейин Бостон тун цоги шагьаралдайин. Гьев лъазавун вуго 2013 соналда Бостоналда марафоналъул заманаялда кьвагьиял гIуцIиялъул гIайиб бугевлъун.
Адвокатаз тIадчIей гьабулеб буго ритIухъаб диван къотIиялъул шартIаздаса гьев махIрум гьавун вукIиналда. Гьез рикIкIунеб буго гьел кьвагьиязул къурбанал ракIалде щвезаризелъун Бостоналда цин чIечIого тадбирал тIоритIулеб мехалда гьезул асаралде гъоркье ккечIел ва ккаралъул ракIбацIцIадго хал гьабулел гьа барал ратизе захIмат букIанин. Гьеб гIаразаялда гьединго абулеб буго Царнаев чIвазе къотIиялъул хIукму нахъе бахъейинги.
Гьа баразул диваналъ 30 бутIаялда рекъон гIайиб бугевлъун лъазавурав Царнаев чIвазе хIукму къотIун букIана июнь моцIалда. Бицен гьабулел кьвагьиязда гьесул гIахьаллъи букIаниги гьезул аслияб гIайиб адвокатаз гьабулеб буго полициялъ кколаго чIварав гьесул кIудияв вац Тамерланида.
Бостоналда теракт гьабидал хун вукIана лъабго ва лъукъун вукIана 260 чи.