Америкаялъ кьварун какулеб буго «Исламияб пачалихъин» жинда абулеб экстремитияб къукъа Сириялъул ассириял христианаз гIумру гьабулеб росабалъеги кIанцIун гIадамал рикъаралъухъ. 23 февралалъул радал гьениса викъун вукIун вуго руччабигун, лъималгун, херазул анцI-анцI чи.
Сириялъул ассириязул демократияб гIуцIиялъул нухмалъиялдаса Карим Долеца абуна Эркенлъи Радиоялъе Тель-Ормузск абулеб росулъа викъун вугин 13 чи ва Тель-Шамирам абулеб росулъа викъаравлъун рикIкIунев вугин 70-ялдаса 90-ялде щвезегIан чийин.