Халкъиял инофрмалатазул къолъун лъазабураб 13 январалда Россиялъул хIукуматалъул минаялъуб тIобитIараб данделъиялда премьер-министр Дмитрий Медведевас Россиялъул хIукуматалъул премия кьуна улкаялъул тIаса рищарал
10 журналистазе.
Гьезда гьоркьор руго Дагъистаналъул «Черновик» газеталъул лъабго хIалтIухъан: Камалов МагьдимухIамадги, Агаев Маирбекги, МухIамадов МухIамадги. Гьелъул хIакъалъулъ «Эркенлъи» радиоялъ цебеккунги бицун букIана.
Журналистазда шапакъат баркулаго Россиялъул вице-премьерас абуна жакъа гIемерисел регионалиял пресса цIикIкIарасеб бутIаялда бараблъун хутIун бугин мухъалъул нухамалъулезул политикиялда.
КъваригIун бугин гьеб къагIида хисизабизе. Киналго регионалиял газетал хасал бетIергьанлъиялъул бетIербахъиялъухъе кьезе кколин абуна гьениб Медведевас.
Журналистазулгун букIараб дандчIваялда цо кинаб букIаниги кIалъай гьабичIого гIоларелъул абураб жо кколин гьеб Медведевас.амма гьел рагIаби гьедигIан кIвар бугел магIнаялъул кколарилан рикIкIунеб буго «Миллат» газеталъул редактор БисавгIалиев МухIамадица.
Гьес рикIкIунеб буго жакъа пачалихъалъул кисиниса бачIунеб гIарцудаса махIрум гьарун жалго жидецаго бетIербахъи гьабизе тани гьезул иш билълъине гьечIин, гьел къазе кколин.
БисавгIалиев МухIамад: «Гьеб абуларев цониги премьер, цониги хIаким, гIаданиб нах бугев чи гьечIо. Гьединлъидал Медведевас абураб жо гьеб кIудияб пикру гуро. Гьеб буго рагIуе абураб жо.
ХIукуматалда гъоркь ругел газетазда кIвезе гьечIо медиа-базаралда хасал бетIергьанлъиялъул газеталгун къеркьон.
Гьел къазе ккезе руго.
Ал цоял газетал кигIан захIматал шартIал ругониги хвезе гьечIо, спонсорасулаб кумек щун яги цIалдолесе хIажатаб оперативияб информация балагьунги, кигIан захIматаб конкуренция бугониги гьезда кIола хIалтIизе.
ХIукуматалъул кисиниса гIарацги кьун, хъваниги хъвачIониги макъалаялъул кIвар гьечIел газетал хIукуматалъ тIаса квер босидал чIун хутIизе руго».
Данделъи лъугIун хадуб Медведевас эркенаб куцалда гара-чIвари гьабуна щивасулгун.
Дагъистаналъул «Черновик» газеталъул вакилзабзулгун букIараб накъиталда гьез премьерасе кьуна суал Россиялъул почалъул хъулухъалъул Дагъистаналда бугеб бут1а хашго гурони хIалтIулеб гьечIолъиялъул хIужаялда тIасан.
Гьеб суал роцIцIинабеян тIадкъай кьуна Медведевас бухьеналъул министр Николай Никифоровасе. Гара-чIвариялда рорхарал цогидал суалазул хIакъалъулъ гьадин бицана «Эркенлъиялъе» гьеб данделъиялда вукIарав «Черновик» газеталдаса МухIамадов МухIамадица.
МухIамад МухIамадов: «БатIияб цIияб жо гьеб гара-чIвариялда абичIо Медведевас. Аслияб куцалда бицунеб букIана подпискаялъул. Щайгурелъул пуланаб газеталъул подписка гьабун щвараб гIарцуда бараб букIуна каталогалде унеб багьаги.
Гьелда жанир хиса-басиял гьаризе кколин абулеб букIана Медведевас. Гьединго хъинтIана киналго цIиял харбазул баян газеталъул сайталда тIиритIизарулел рукIиналда тIасанги.
Сайталда бищунго къимат бугелъун кколел руго экономикиял кIвар бугел макъалаби, хутIарал макъалаби гIумрукъокъаллъун кколел руго. Гьеб проблемаялдеги кIварбуссинабизе кколилан абулеб букIана Медведевас».
ГIаммаб куцалъ абуни хIукуматалъ гIарац кьун хьихьаралги, хасаб бетIергьанлъиялда гъоркь ругел газетазул дандеккун балагьани, ХIукуматалъулалъун кколел газетал цIалулев цIалдолев дагьлъулев вуго Дагъистаналда дагь-дагь ккун.
Амма газеталъул тиражалъухъ балагьани республикаялда цересел бакIазда ругин абизе бегьула рухIияб пресса.
Мисалалъе Дагъистаналъул рухIияб идараялъ биччалеб «Ассалам» газеталъул гIурус редакциялъул гьабсагIаталда буго 38 азарго тираж.
Къуватал журналистал гьенир хIатIулел гьечIониги къуръан хIадисалдаса росарал макъалабазул ва имамзабазул вагIза гьениб букIиналъ гьелъул къимат кIудияб буго газета цIалулезе.
10 журналистазе.
Гьезда гьоркьор руго Дагъистаналъул «Черновик» газеталъул лъабго хIалтIухъан: Камалов МагьдимухIамадги, Агаев Маирбекги, МухIамадов МухIамадги. Гьелъул хIакъалъулъ «Эркенлъи» радиоялъ цебеккунги бицун букIана.
Журналистазда шапакъат баркулаго Россиялъул вице-премьерас абуна жакъа гIемерисел регионалиял пресса цIикIкIарасеб бутIаялда бараблъун хутIун бугин мухъалъул нухамалъулезул политикиялда.
КъваригIун бугин гьеб къагIида хисизабизе. Киналго регионалиял газетал хасал бетIергьанлъиялъул бетIербахъиялъухъе кьезе кколин абуна гьениб Медведевас.
Журналистазулгун букIараб дандчIваялда цо кинаб букIаниги кIалъай гьабичIого гIоларелъул абураб жо кколин гьеб Медведевас.амма гьел рагIаби гьедигIан кIвар бугел магIнаялъул кколарилан рикIкIунеб буго «Миллат» газеталъул редактор БисавгIалиев МухIамадица.
Гьес рикIкIунеб буго жакъа пачалихъалъул кисиниса бачIунеб гIарцудаса махIрум гьарун жалго жидецаго бетIербахъи гьабизе тани гьезул иш билълъине гьечIин, гьел къазе кколин.
БисавгIалиев МухIамад: «Гьеб абуларев цониги премьер, цониги хIаким, гIаданиб нах бугев чи гьечIо. Гьединлъидал Медведевас абураб жо гьеб кIудияб пикру гуро. Гьеб буго рагIуе абураб жо.
ХIукуматалда гъоркь ругел газетазда кIвезе гьечIо медиа-базаралда хасал бетIергьанлъиялъул газеталгун къеркьон.
Гьел къазе ккезе руго.
Ал цоял газетал кигIан захIматал шартIал ругониги хвезе гьечIо, спонсорасулаб кумек щун яги цIалдолесе хIажатаб оперативияб информация балагьунги, кигIан захIматаб конкуренция бугониги гьезда кIола хIалтIизе.
ХIукуматалъул кисиниса гIарацги кьун, хъваниги хъвачIониги макъалаялъул кIвар гьечIел газетал хIукуматалъ тIаса квер босидал чIун хутIизе руго».
Данделъи лъугIун хадуб Медведевас эркенаб куцалда гара-чIвари гьабуна щивасулгун.
Дагъистаналъул «Черновик» газеталъул вакилзабзулгун букIараб накъиталда гьез премьерасе кьуна суал Россиялъул почалъул хъулухъалъул Дагъистаналда бугеб бут1а хашго гурони хIалтIулеб гьечIолъиялъул хIужаялда тIасан.
Гьеб суал роцIцIинабеян тIадкъай кьуна Медведевас бухьеналъул министр Николай Никифоровасе. Гара-чIвариялда рорхарал цогидал суалазул хIакъалъулъ гьадин бицана «Эркенлъиялъе» гьеб данделъиялда вукIарав «Черновик» газеталдаса МухIамадов МухIамадица.
МухIамад МухIамадов: «БатIияб цIияб жо гьеб гара-чIвариялда абичIо Медведевас. Аслияб куцалда бицунеб букIана подпискаялъул. Щайгурелъул пуланаб газеталъул подписка гьабун щвараб гIарцуда бараб букIуна каталогалде унеб багьаги.
Гьелда жанир хиса-басиял гьаризе кколин абулеб букIана Медведевас. Гьединго хъинтIана киналго цIиял харбазул баян газеталъул сайталда тIиритIизарулел рукIиналда тIасанги.
Сайталда бищунго къимат бугелъун кколел руго экономикиял кIвар бугел макъалаби, хутIарал макъалаби гIумрукъокъаллъун кколел руго. Гьеб проблемаялдеги кIварбуссинабизе кколилан абулеб букIана Медведевас».
ГIаммаб куцалъ абуни хIукуматалъ гIарац кьун хьихьаралги, хасаб бетIергьанлъиялда гъоркь ругел газетазул дандеккун балагьани, ХIукуматалъулалъун кколел газетал цIалулев цIалдолев дагьлъулев вуго Дагъистаналда дагь-дагь ккун.
Амма газеталъул тиражалъухъ балагьани республикаялда цересел бакIазда ругин абизе бегьула рухIияб пресса.
Мисалалъе Дагъистаналъул рухIияб идараялъ биччалеб «Ассалам» газеталъул гIурус редакциялъул гьабсагIаталда буго 38 азарго тираж.
Къуватал журналистал гьенир хIатIулел гьечIониги къуръан хIадисалдаса росарал макъалабазул ва имамзабазул вагIза гьениб букIиналъ гьелъул къимат кIудияб буго газета цIалулезе.
